Pachha Valta
મારી વાર્તા “સંપેતરું” માં મેં જે ભાવનાઓની વાત કરી છે , એના પરથી આ કવિતા લખી છે . આજે સૌનું જીવન બહું વ્યસ્ત છે તેથી સૌની લાગણીઓ પણ પરિસ્તીથી પ્રમાણે બદલાતી રહે છે , પરંતુ જે લોકો વિદેશ ગયાં હોય છે , તેઓ જાણે ટાઈમ કેપ્સ્યુલમાં કેદ થઈ ગયા હોય છે . એમનું મન એમને એજ હૂંફની લાલસામાં પાછું લાવ્યું હોય છે . પાછા વળતા……. આજીવિકા શોધવા ગયેલો વાનર પાછો વળ્યો, મંદ મંદ મલકાતો ઘેર જવા ઉતાવળો, વિચારતો, કેવું સુંદર એ લીલુંછમ ઝાડ મારું ! , વર્ષો એના પર ટીંગાટા મારા ભાઈ ભાંડુ, હવે ફરી સાથે મળીને ખૂબ આનંદ માણશું, પાસેના તળાવમાં ,મસ્ત થઈ ડુબકી લગાવશું, ફરી કુદશું એ જાણીતી વડવાઈઓમાં, હુંફ પામશું એક બીજાના સાદા સંવાદોમાં, ત્યાં દેખાયો દરવાજો મોટો , ઘેર પહોંચતા, વાનર માને , હમણાં આવશે બધા એને ખ...